✺ටොඩ්ෆිෂ් (toadfish)
ටොඩ්ෆිෂ් කියන්නේ බැට්රචොයිඩයිෆෝම්ස් ගෝත්‍රයට අයත් බැට්රචොයිඩයිඩේ යන පවුලේ විශේෂ 80කින් පමණ සමන්විත මුහුදු පතුලේ ජීවත්වන මත්ස්‍ය විශේෂයක්. ඔවුන් ප්‍රධාන වශයෙන් උණුසුම් ජලය සහිත මුහුදේ සහ ඉඳහිට මිරිදිය ජලයේ දක්නට ලැබෙනවා.
Tetractenos hamiltoni යන විද්‍යාත්මක නාමයෙන් හැඳින්වෙන මොවුන් common toadfish, common toado ලෙස ද හැඳින්වෙනවා. මොවුන් තරමක් පිළිකුල් සහගත හා භයානක පෙනුමකින් යුක්තයි.
මොවුන්ට පුළුල් හිසක් සහ විශාල මුඛයක් හිමිව ඇති අතර මුඛය වටා සමක් තිබෙනවා. ටෝඩ්ෆිෂ් පුළුල්, පැතලි හිස් සහ ශක්තිමත් දත් සහිත විශාල මුඛ තිබෙන බරැති මසුන්. ඔවුන් උපරිම වශයෙන් සෙන්ටිමීටර 40 (අඟල් 16) දක්වා වර්ධනය වන අතර කුඩා ප්‍රමාණයන්ගෙන් යුක්ත වනවා. ඒ වගේම මෙම මත්ස්‍යයින්ට වෙනත් මුහුදු ජිවින්ට ඇසෙන ලෙස රළු ශබ්ද නිපදවිය හැකියි.
සමහර ටොඩ්ෆිෂ්ලාගේ දෙපැත්තේ හා බඩේ සැහැල්ලු අවයව ඇති අතර ඒවායේ වරල් සහ විෂ සහිත කොඳු ඇට පිහිටා තිබෙනවා. ටෝඩ්ෆිෂ්ගේ විෂ මිනිසා දන්නා ඉතා භයානක විෂ වලින් එකක් වන අතර එය black-widow spider මකුළුවන්ගේ විෂ මෙන් 100 ගුණයක් මාරාන්තික වනවා. මෙම මසුන්ගේ විෂ සඳහා මෙතෙක් ඖෂධයක් නැහැ.
එමෙන්ම මොවුන්ගේ සම ස්පර්ශ කළත් එය දෂ්ටනයක් ලෙස හැඟෙන බවට කියැවෙනවා. කෙසේවෙතත් මෙය සත්‍යයක් දැයි තීරණය කිරීමට වැඩිදුර පරීක්ෂණ අවශ්‍ය වනවා. මොවුන්ගේ මාංශ වල විෂ අඩංගු බැවින් මිනිස් පරිභෝජනයට නුසුදුසුයි.
ටොඩ්ෆිෂ් මුහුදු පතුලේ වාසය කරන නිසා ඒ ආශ්‍රිත සිටින සත්ත්වයින් වන කුඩා කකුළුවන් හා කුඩා ක්‍රස්ටේශියාවන් තමයි ආහාරයට ගන්නේ. කෙසේවෙතත්, මොවුන් මොලුස්කාවන් හා කුඩා මත්ස්‍යයින් ද ආහාරයට ගනු ලබනවා.
මොවුන් වාසය කරන ප්‍රදේශ ආශ්‍රිතව සිටින සමහර ඇන්ග්ලර් ෆිෂ් (angler fish ) ජීවින් කිසිදු හේතුවක් නොමැතිව විනෝදයට මෙන් ටොඩ්ෆිෂ්ලාව අනුභව කරනවා. ඔවුන් නොදැනුවත්ව ටොඩ්ෆිෂ් ආහාරයට ගැනීමෙන් ටොඩ්ෆිෂ්ගේ සිරුරේ පවතින විෂ නිසා පසුව ඇන්ග්ලර් ෆිෂ් ජිවින්ට බොහෝවිට අත්වන ප්‍රතිපලය තමයි මරණය !
Comments
Post a Comment